Воскресенье, 4 Сентября 2005 года (22 Августа 2005 по ст.ст.)
Неделя 11-я по Пятидесятнице, Глас вторый

Попразднство Успения Пресвятой Богородицы. Мчч. Агафоника, Зотика, Феопрепия (Боголепа), Акиндина, Севериана и прочих (305-311). Сщмч. Горазда, еп. Богемского и Мораво-Силезского (1942) (Серб.). Сщмч. Афанасия еп. (270-275), прп. Анфусы (ок. 298) и слуг ее, мчч. Харисима и Неофита (270-275). Мц. Евлалии девы Барселонской (ок. 303). Прп. Исаака (первого) Оптинского. Новосщмчч. Ефрема (Кузнецова), еп. Селенгинского и прот. Иоанна Восторгова (1918). Грузинской иконы Божией Матери (1650). Прп. Боголепа из м-ря прп. Паисия Угличского. Новомч. Горазда (Павличка), Пражского (1942). Св. Симфориана Отанского (II-III) (Кельт. и Брит.). Прп. Зигфрида, игумена Веармутского (688) (Кельт. и Брит.).

Утр. - Ев. 11-е, Ин., 67 зач., XXI, 15-25. Лит. - 1 Кор., 141 зач., IX, 2-12. Мф., 77 зач., XVIII, 23-35.

Тропарь воскресный, глас 2.

Егда снизшел еси к смерти, Животе Безсмертный, / тогда ад умертвил еси блистанием Божества: / егда же и умершия от преисподних воскресил еси, / вся силы небесныя взываху: / Жизнодавче, Христе Боже наш, слава Тебе.

Богородичен, глас тойже.

Вся паче смысла,/ Вся преславная Твоя, Богородице, таинства,/ чистоте запечатанной, и девству храниму,/ Мати позналася еси неложна,/ Бога рождши истиннаго;/ Того моли спастися душам нашим.

Кондак, глас тойже.

Воскресл еси от гроба, Всесильне Спасе,/ и ад видев чудо, ужасеся,/ и мертвии восташа;/ тварь же видящи срадуется Тебе,/ и Адам свеселится,/ и мир, Спасе мой, воспевает Тя присно.

Успению Пресвятой Богородицы. Тропарь, глас 1.

В рождестве девство сохранила еси, / во успении мира не оставила еси, Богородице: / преставилася еси к животу, Мати сущи Живота, / и молитвами Твоими избавляеши от смерти души наша.

Кондак, глас 2.

В молитвах неусыпающую Богородицу,/ и в предстательствах непреложное упование,/ гроб и умерщвление не удержаста:/ якоже бо Живота Матерь,/ к животу престави,/ во утробу Вселивыйся Приснодевственную.

Красногорской (Грузинской) иконы Богородицы. Тропарь, глас 4.

Днесь светло красуется обитель Красногорская,/ и с нею ликовствует Раифская пустыня, / яко зарю солнечную, от востока возсиявшую, восприимши, Владычице, / чудотворную Твою икону, / еюже разгоняеши мглу искушений и бед от вопиющих верно: / избави обитель нашу и вся страны христианския от всех навет вражиих / и спаси души наша, яко Милосердная Заступница рода христианского.

Горазда, архиеп. Моравского. Тропарь, глас 2.

Достойнейший преемник учителя своего Мефодия, / Моравския Церкве первопрестольника, / был еси, святителю отче наш Горазде, / столп Православия предивен, / мученик без крове, / и изгнание от своего стада коварными мужи претерпев. / Далече от своего отечества, Моравския земли, / утвердив проповедию догматы божественныя Истины, / Духом соединился еси со святыми учители своими Кириллом и Мефодием в Царстве Небеснем. / Моли о нас, блаженне, / верою почитающих память твою, / умирити мир и спасти души наша.