Воскресенье, 21 Августа 2005 года (8 Августа 2005 по ст.ст.)
Неделя 9-я по Пятидесятнице, Глас осьмый

Успенский пост. Попразднство Преображения Господня. Свт. Емилиана исповедника, еп. Кизического (815-820). Прп. Григория, иконописца Печерского, в Ближних пещерах (XII). Перенесение мощей прпп. Зосимы и Савватия Соловецких (1566). Второе перенесение мощей прпп. Зосимы, Савватия и Германа Соловецких (1992). Свт. Мирона чудотворца, еп. Критского (ок. 350). Мчч. Елевферия и Леонида. Прп. Григория Синаита (XIV). Толгской иконы Божией Матери (1314). Мц. Гормизды Персидской. Новомч. Триандафилла, Фессалийского (Греч.). 12 подвижников Египетских (Греч.). 2 мчч. Тирских (Греч.). Мч. Стиракия (Греч.). Новомч. Анастасиоса Македонского (Греч.). Новосщмч. Никодима (Кроткова), архиеп. Костромского и Галичского.

Утр. - Ев. 9-е, Ин., 65 зач., ХХ, 19-31. Лит. - 1 Кор., 128 зач., ІІІ, 9-17. Мф., 59 зач., XIV,

Тропарь воскресный, глас 8.

С высоты снизшел еси, Благоутробне, / погребение приял еси тридневное, / да нас свободиши страстей, / Животе и воскресение наше. Господи, слава Тебе.

Богородичен, глас тойже.

Иже нас ради рождейся от Девы,/ и распятие претерпев, Благий,/ испровергий смертию смерть,/ и воскресение явлей яко Бог,/ не презри, яже создал еси рукою Твоею;/ яви человеколюбие Твое, Милостиве,/ приими рождшую Тя Богородицу молящуюся за ны; / и спаси, Спасе наш, люди отчаянныя.

Кондак, глас тойже.

Воскрес из гроба, умершия воздвигл еси,/ и Адама воскресил еси,/ и Ева ликует во Твоем воскресении,/ и мирстии концы торжествуют/ еже из мертвых востанием Твоим, Многомилостиве.

Преображению Господню. Тропарь, глас 7.

Преобразился еси на горе, Христе Боже, / показавый учеником Твоим славу Твою, / якоже можаху: / да возсияет и нам грешным / свет Твой присносущный, / молитвами Богородицы, / Светодавче, слава Тебе.

Кондак, глас тойже.

На горе преобразился еси,/ и якоже вмещаху ученицы Твои/ славу Твою, Христе Боже, видеша:/ да егда Тя узрят распинаема,/ страдание убо уразумеют вольное,/ мирови же проповедят,/ яко Ты еси воистинну Отчее сияние.

Толгской иконы Богородицы. Тропарь, глас 4.

Днесь светло сияет на Толге / образ Твой, Пречистая Дево Богородице, / и, яко солнце незаходимое, / всегда верным подадеся, / Егоже видев на воздусе, / невидимо Ангелы, яко никим, держима, / преосвященный епископ града Ростова Трифон / тече ко явленному светящемуся столпу огненну, / и по водам, яко по суху, прейде, / и моляшеся Ти верно о пастве и о людех. / И мы, к Тебе притекающе, зовем: / Пресвятая Дево Богородице, / верно Тя славящих спасай, / страну нашу, архиереев / и вся Российския народы от всех бед избавляй / по велицей Твоей милости.

Прпп. Зосимы и Савватия Соловецких. Тропарь, глас 4.

Постническое и равноангельское житие ваше, / преподобнии отцы Зосимо и Савватие, / вселенней познаны сотвори вас чудодеянии различными богоноснии, / просвещайте верою призывающия вы / и чтущия честную память вашу.

Тех же святых (Перенесение мо-щей). Тропарь, глас 8.

Яко светильницы явистеся всесветлии / во отоце окияна моря, / преподобнии отцы Зосимо и Савватие, / вы бо, крест Христов на рамо вземше, / усердно Тому последовасте / и, чистотою Богови приближившеся, / отонуду силами чудес обогатистеся. / Темже и мы любезно притекаем к ракам честных мощей ваших и умильно глаголем: / о, преподобнии, молите Христа Бога спастися душам нашим.