Пятница, 21 Октября 2005 года (8 Октября 2005 по ст.ст.)
Седмица 18-я по Пятидесятнице, Глас осьмый

Прп. Пелагии (457). Прп. Трифона, архим. Вятского, чудотворца (1612). Прп. Досифея Верхнеостровского, Псковского (1482). Прп. Таисии (IV). Св. Пелагии девицы Антиохийской (303). Мч.Игнатия Болгарского.

Флп., 245 зач., III, 8-19. Лк., 32 зач., VII, 31-35.

Прп. Досифея Верхнеостровского, Псковского. Тропарь, глас 4.

Яко светильник всесветел явился еси во острове Псковскаго езера, / преподобне отче наш Досифее. / Ты бо крест Христов от юности своея на рамо взем, / усердно Тому последовал еси, / чистотою Богови приближився, / отонудуже и чудес дарованием обогатился еси. / Темже и мы, притекающе ко святей иконе твоей, умильно глаголем: / отче преподобне, моли Христа Бога / спастися душам нашим.

Прп. Трифона, архим. Вятского, чудотворца. Тропарь, глас 4.

Яко светозарная звезда, / возсиял еси от востока до запада, / оставль бо свое отечество, / дошел еси Вятския страны и Богоспасаемаго града Хлынова, / в немже обитель во славу Пресвятыя Богородицы создав, / и, тамо на добродетель вперився, / собрал еси иночествующих множество, / и, сих наставляя на путь спасения, / был еси Ангелом собеседник, / и постником сопричастник, Трифоне преподобне, / с ними Христа Бога моли спастися душам нашим.