Суббота, 11 Июня 2005 года (29 Мая 2005 по ст.ст.)
Седмица 6-я по Пасхе, Глас пятый

Попразднство Вознесения Господня. Мц. Феодосии девы, Тирской (307-308). ш Блж. Иоанна, Христа ради юродивого, Устюжского (1494). Прмц. Феодосии девицы Царьградской (726-730). Свт. Александра, патр. Александрийского. Новомч. Андрея (Греч.). Новомч. Иоанна Смирнского (1802). Память 1 Всел. Собора. Последнего благ. греческого царя-мученика Константина. Псково-Печерской иконы Божией Матери, именуемой "Споручница грешных". Прп. Иова (Иисуса) Анзерского. Новосвящиспов. Луки (Войно-Ясенецкого), архиеп. Симферопольского и Крымского. Сщмч. Олвиана, еп. Анеусийского с учениками (Греч.).

Деян., 43 зач., XХ, 7-12. Ин., 48 зач., XIV, 10-21.

Вознесению Господню. Тропарь, глас 4.

Вознеслся еси во славе, Христе Боже наш, / радость сотворивый учеником / обетованием Святаго Духа, / извещенным им бывшим благословением, / яко Ты еси Сын Божий, Избавитель мира.

Кондак, глас 6.

Еже о нас исполнив смотрение,/ и яже на земли соединив небесным,/ вознеслся еси во славе, Христе Боже наш,/ никакоже отлучаяся,/ но пребывая неотступный,/ и вопия любящим Тя:/ Аз есмь с вами и никтоже на вы.

Иконы Богородицы "Споручница грешных". Тропарь, глас 4.

Умолкает ныне всякое уныние / и страх отчаяния исчезает, / грешницы в скорбех сердца обретают утешения / и небесною любовию озаряются светло. / Днесь бо Мати Божия простирает к нам спасающую руку / и от Пречистаго образа Своего вещает, глаголя: / Аз Споручница грешных к Моему Сыну, / Сей дал Мне за них руце слышати Мя выну. / Темже людие, обремененнии грехми и скорбьми многими, / припадите к подножию Ея иконы со слезами, вопиюще: / Заступнице мира, грешных Споручнице! / Умоли Матерними Твоими молитвами Избавителя всех, / да Божественным всепрощением покрыет грехи наша / и светлыя двери райския отверзет нам, / Ты бо еси предстательство и спасение рода христианскаго!