Суббота, 30 Июля 2005 года (17 Июля 2005 по ст.ст.)
Седмица 6-я по Пятидесятнице, Глас четвертый 

Вмц. Марины (Маргариты) (IV). Прп. Иринарха Соловецкого (1628). Перенесение мощей прп. Лазаря Галисийского. Прп. Леонида Устьнедумского (1654). Святогорской иконы Божией Матери (1569). Мч. принца Кенелма отрока, Уэльсского (ок. 821) (Кельт. и Брит.). Свт. Евфрасия, еп. Ионопольского (Греч.).

Рим., 100 зач., IX, 1-5. Мф., 32 зач., IX, 18-26.

Прп. Иринарха Соловецкого. Тропарь, глас 4.

Постническое по Бозе житие возлюбив, / вся плотская мудрования духу покорил еси / и воздержанием страсти умертвил еси, / во трудех, и бдениих, и молитвах образ быв добродетели, / тем монашескаго жития наставник показался еси, / отче преподобне Иринарше. / Моли Христа Бога спастися душам нашим.

Перенесение мощей прп. Лазаря Галисийского. Тропарь прп. Лазарю, глас 8.

Бденными молитвами, теченьми слезными столп омочил еси, / и из глубины воздыханьми / во сто трудов уплодоносил еси, / и был еси пастырь, всем подая прощение, / преподобне отче наш Лазаре: / молися Христу Богу / спастися душам нашим.

Прп. Леонида Устьнедумского. Тропарь, глас 1.

Божественною любовию и житием духовным / от юности распалився, преподобне, / и вся, яже в мире красная, возненавидев, / Христа единаго от души возлюбил еси, отче, / легкое иго на рамо взем, / Божественным Промыслом и Пречистыя Богородицы чудным явлением направляемь / достиже пустыни / и в ней многолетне подвизался еси / в трудех многих и слезах, / всяким злостраданием плоть свою изнуряя. / Отонудуже Бог, твоя труды видев, / умножи тебе чада в пустыни. / Но яко имея дерзновение к Богу, / моли о нас, рабех твоих, отче преподобне Леониде, / да избавит нас от всех навет вражиих / и спасет души наша.