Воскресенье, 31 Июля 2005 года (18 Июля 2005 по ст.ст.)
Неделя 6-я по Пятидесятнице, Глас пятый

Память свв. отцев шести Вселенских Соборов. Мч. Емилиана (363). Мч. Иакинфа Амастридского (IV). Прп. Иоанна Многострадального, Печерского, в Ближних пещерах (1160). Прп. Памвы, затворника Печерского, в Дальних пещерах (XIII). Прп. Памвы пустынника Египетского (IV). Прп. Леонтия, игумена Кариоховского, Новгородского. Свт. Фридриха, еп. Утрехтского (Нидерл.). Свтт. Стефана, архиеп. Константинопольского и Иоанна, митр. Халкидонского (Греч.). Новосщмчч.: Аполлинария, Иакинфа и Каллиста, иеромм. Верхотурских.

Утр. - Ев. 6-е, Лк., 114 зач., XXIV, 36-53. Лит. - Рим., 110 зач., ХII, 6-14. Мф., 29 зач., IX, 1-8. Свв. отцам: Евр., 334 зач., XIII, 7-16, Ин., 56 зач.,XVII,1-13.

Тропарь воскресный, глас 5.

Собезначальное Слово Отцу и Духови, / от Девы рождшееся на спасение наше, / воспоим, вернии, и поклонимся, / яко благоволи плотию взыти на крест, / и смерть претерпети, / и воскресити умершия / славным воскресением Своим.

Богородичен, глас тойже.

Радуйся, двере Господня непроходимая./ Радуйся, стено и покрове притекающих к Тебе./ Радуйся, необуреваемое пристанище и неискусобрачная,/ рождшая плотию Творца Твоего и Бога, / молящи не оскудевай от воспевающих,/ и кланяющихся рождеству Твоему.

Кондак, глас тойже.

Ко аду, Спасе мой, сошел еси,/ и врата сокрушивый яко Всесилен,/ умерших яко Создатель совоскресил еси,/ и смерти жало сокрушил еси,/ и Адам от клятвы избавлен бысть,/ Человеколюбче, темже вси зовем:/ спаси нас, Господи.

Прп. Иоанна Многострадального, Печерского, в Ближних пещерах. Тропарь, глас 1.

Терпения столп воистину непоколебимый / и забрало от вражиих стреляний необоримо, / равноангельне и многострадальне отче наш Иоанне, / имуще тя, мы, недостойнии, молимся, / припадающе к честным твоим мощем тепле: / избави нас душетленных страстей плотских и спаси твоими молитвами.